रामेछाप । रामेछापको मन्थली नगरपालिका–५ सुनारपानीमा बोलेरो दुर्घटना हुँदा एक जनाको घटनास्थलमै मृत्यु भएको छ भने ६ जना घाइते भएका छन् ।
जिल्ला सदरमुकाम मन्थलीबाट सालुतर्फ जाँदै गरेको डबल क्याप बोलेरो भदौरेमा दुर्घटना हुँदा एक जनाको ज्यान गएको हो ।  मन्थली–५ स्थित भदौरे डाँडा मोडमा पुगेपछि दुर्घटना भएको बोलेरोमा सवार १ जनाको घटनास्थलमै ज्यान गएको र घाइते २ जनाको अवस्था गम्भीर रहेको प्रहरीले जनाएको छ । अहिले घाइतेहरूको सदरमुकाम मन्थली स्थित विभिन्न अस्पतालहरूमा उपचारका लागि ल्याइएको जिल्ला प्रहरी कार्यालय रामेछापका सूचना अधिकारी प्रहरी निरीक्षक कौशल न्यौपानेले बताउनुभयो ।
घटनाबारे विस्तृत विवरण आउन बाँकी छ ।